2024 Kaartenverkoop 10e Ruiverse Revue

Kaartenverkoop 10e Ruiverse Revue

Óm 20:00 (14:00) oër kloksjlaag zólle de klanke van ‘t Ruivers Revue-orkés klinke door Zalencentrum ‘De Schakel’ en zal ‘t publiek getrakteerd waere op de 10e Ruiverse Revue getiteld "Is det zoeë?". 'n waor sjpektakel óm mei te sjaterlache (en mesjien ouch waal 'n träönke weg te pinke). 

“Welkom biej de Ruiverse Revue. ‘t Is de 10e kiër op riej in dit theater.
Welkom biej de Ruiverse Revue: kóm mét ós mei, nao vreuger en nao later.
Veur vraoge ós dees reis aaf: wie is ‘t zoë gegaon,
waoróm det det noe zoë is… en zoë is óntsjtaon?

Is det zoë? Det is zoë! Is det zoë? Is det waor?
't Antjwaord op dees vraog, 't antjwaord op dees vraog,
't antjwaord beste luuj, det krieg geur hiej in dees revue!” 

Niej gezichte
D'r kump ein nieje, 10e Ruiverse Revue! Óm kloksjlaag 20:00 (14:00) oër zal dónderdig 7 november 2024 't liveorkès de iërste toeëne inzitte van 't äöpeningsnummer van de 10e Revue getiteld 'Is det zoeë?'. Auch dees reis ein sjpel in veer bedriëve wao de vraog "Is det zoeë?" mit regelmaot centraal zal sjtaon. De sjpelers nimme 't publiek mei truuk in de tiëd maar kiëke zeker auch veurroët mit netúúrlik de groeëte finale in 't veerde bedriëf.   

D'r sjtaon in dees edisie, naeve de bekende gezichte, ein aantal nieje sjpelers in de 'spotlight'. Niej talente die zich höbbe aangedeend en dao zien veur netuurlik hiël bliej mei.

Veursjtellinge

D'r sjtaon 5 veursjtellinge gepland:

 📆 dónderig 7 november, 20.00 oer (première)
 📆 vriedig 8 november, 20.00 oer
 📆 zaoterdig 9 november, 14.00 oer
 📆 zaoterdig 9 november, 20.00 oer
 📆 zóndig 10 november, 14.00 oer

Kaarte koste € 26,50 (incl. garderobe)

Kaarte besjtelle
Geur ként noe uch kaarte besjtelle via
https://www.ticketcrew.nl/tickets/ruiverse-revue

31 August 2024 (Bron: Ruiverse Revue)

Tags: #RuiverseRevue, #Reuver, #Toneel, #Muziek, #Marketing,