25 Jeugdprins(ses)sen van 1996 tot 2020
Oet ós archief prissentere veur 25 Jeugprinsesse en Jeugprinse van de Ruiver in de aafgeloupe 25 jaor. Idderein is van herte welkom oetgenuuëdig veur de symbolische äöpening kómmende zóndig 9 fibberwarie óm 14.11 oer.
Nao ’t Windjbuujelhijsse óm 13.49 oer op ’t plein veur ’t aad raodhoes make we mèt ós ganse gezelsjap kómmende zóndig rondj de klok van 14.11 oer ‘ne sjtop in de AH passage wao de prinse(sse)galiere door ós huidige Hoeëghede en wethaajster Debbie Heesakkers symbolisch waert geäöpend.
Veur de aafgeloupe 25 jaor waas de jeugvastelaovend in henj van jeugdisco de Bercken. Vanaaf 25 jaor geleje waerde de vastelaovend veur de jeug oppe Ruiver door telkes ’n anger (sjport)vereiniging georganiseerd. In de ruuëm letste 10 jaor organiseert Windjbuujels’ Jeug de Ruiverse vastelaovend veur de jongere.
Dees prinse- en prinsessegalerie is mede toet sjtandj gekómme dankzij Woongoed 2-Duizend en Gemeinte Beesel. De galerie zal toet aswoensdig blieve sjtaon. Wilt geur mieër weijte euver Windjbuujels’ Jeug of de vastelaoversvereiniging in ’t algemein? Kiek den op: www.windjbuujels.nl
9 Februari 2020 (Bron: De Windjbuujels)
Tags: #Carnaval, #Reuver, #Opening, #De Windjbuujels,