1984 Ruiverse Revue - Öpening en 2 Ruiverse Sjnebbels

Ich druim mich d'n hemel - Öpening en Twieje Ruiverse Sjnebbels (Ruiverse Revue)

Ter beschikking gesteld door Hay Clabbers.

Biejnao 40 jaor nao de Pollen-Geijzen-Revues waas 't 33-jäörig jubileum van de Windjbuujels aanleiding veur ein niej Revue. ‘t Initiatief hiejveur kwaam van Toon Geerlings, destiëds besjtuurslid. Hea vroog Ger Geerlings en Nol Wassen om same mei tekste en meziek te sjrieve veur ein niej Ruiverse Revue: 'Ich druim mich d'n hemel'.

In 't aaje gemeinsjapshoês 'De Schakel' aan de Pesjtoër Vranckenlaan bezóchte miër as 1500 de iërste Ruiverse revue. Same mit Jeu Levels as regisseur en 't Ruivers Revue-orkés o.l.v. Theo Coops, waerde dees klus geklaord. Inkele aaij nummers van de Pollen-Geijzen-Revues (o.a. de Waorzegger)waerde gebroek, maar auch nieje scènes as 'De klas van Kwaer' (mit Ger Apeldoorn as meister Aquarius) en 'de Helige' wiste biej't publiek in de sjmaak te valle. 't Nummer 'Môt ich al kómme leeve Hiër', gezónge door Lei Driessen, zorgde biej väöl aanwezigeveur dieke traone van emosie. 

Óntsjtaon van de Ruivere Revue
Veur 't óntsjtaon van de Ruivere Revue mótte veur wiëd truuk in de tiëd, nao de tiëd van SVHR (Sportvereniging Hercules Reuver). Behalve 't beoefene van sjport haet dees vereiniging ein hiël belangrieke biejdrage geleverd aan 't culturele laeve oppe Ruiver. In ;de 2e oëtgave van 'Sportschakel' van 7 november 1946 laeze veur 'Reserveert voor uw bezoek aan de non-stop-revue een van volgende dagen: 9, 10 of 16 februari 1947'.   

Dees Ruiverse revues vónge drék nao de twiëde Waereldoorlog plaats. Laurens Pollen, Sjra Geijzen en de Tarzans mit o.a. Joep Hermans, Jan Theunissen, Wim Niemans en Huub Theunissen, ware de sjpelers in dees revues, die waerde oëtgeveurd in de gymzaal van ‘t Heilig Hart kloëster.

't Begin van de revues zoe wie veur ze vandaag de daag kenne, óntsjting t.g.v. 't 33-jäörig jubileum van Vastelaovesvereiniging De Windjbuujels in 1984. 't Initiatief  hiejveur kwaam van Toon Geerlings, destiëds besjtuurslid. Hae vroog Ger Geerlings en Nol Wassen om same mei tékste en meziek te sjriëve veur ein niej Ruiverse Revue 'Ich druim mich d'n hemel'. In 't aaje gemeinsjapshoës 'De Schakel' aan de Pesjtoër Vranckenlaan bezóchte miër as 1500 miense de iërste Ruiverse revue.Nao dit sukses waerde ein aparte vereiniging   opgerich, die zich toet doel sjtelde óm idder   twië jaor ein niej revue oppe plenk te  bringe. Onger veurzittersjap van Toon Geerlings waerde in 1986,  1988, 1991 (veur 't iërs in de nieje Sjakel), 1993 en 1995 dees niej revues oëtgeveurd.

‘t 5 x 11-Jäörig jubileum van (wéér) De Windjbuujels waerde de katalisator veur eine nieje sjtart. De Stichting Ruiverse Revue o.l.v. Gerard Ligthart goof opdrach óm in 2006 ein niej revue oppe plénk te bringe. Ron Aspers, Har Geraeds, Jan Stinges en Peter Winkels (destiëds teves regisseur) ware de sjriëvers van de nieje revue mit de passende titel ‘Veur pakke de draod weer op’. Ron, Har en Jan deeje det in 2011 euver (”Wao gaon veur haer?!) en auch in 2017 (‘De Negende’).

Nao de corona-periode is de draod weer opgepak en sjreve Jan en Ron de niej revue "Is det zoeë?". 

1984 (Bron: Hay Clabbers)

Tags: #RuiverseRevue, #Reuver, #Toneel, #Muziek, #Vroeger,